Vera bêedaletîye de destek bidê HDP

Weçînayîşê 24ê Hezîrane rê tena 20 rojî mendî û no het de her ke şono xebatî zêde û hîra benî. Na çarçewa de Ewropa de zî xebatî dewam kenî. Welatanê Ewropa ra cayê ke xebatê weçînayîşî tede yenî domnayîş ra yewe zî Almanya ya.

Bajarê Leîpzîg û Freîburgî yê Almanya de xebatê weçînayîşî dewam kerdî. Bajarê Leîpzîgî de bi rayberîya Rojavasolî û bi beşdarbîyayîşê rêxistinê çep û yê Almanî rayîrşîyayîşêk ame organîzekerdiş. Rayîrşîyayîş 5 hetan ra ame viraştiş û dima ra nê hetî yew ca de ameyî têhet û wina dewam kerd. Dima ra mîtînge ameye viraştiş. Mîtînge de derheqê weçînayîşî de qiseykerdişî ameyî kerdiş û ame waştiş ke wa seba weçînayîşî heyet bêro eşnawitiş. Çalakîye bi sloganan qedîyaye.

Heto bîn ra bajarê Freîburgî de zî bi rêxistinê çepî, DKTM Freîburg û Meclîsê Cinîyanê Nuda de rayîrşîyayîşêk ame viraştiş. Çalakgêrî rasteyê Freîburg Alte Synagoge de ameyî têhet û bi slogananê ‘Bicuye HDP’, ‘Cinî cuye HDP’, ‘Bicuye xoverdayîşê HDP’ dest bi rayîrşîyayîşî kerdî. Fotografê parlamenteranê tewqîfbîyayeyan ameyî kiriştiş û îzehetêk dîya çapemenîye. Îzehet de ame vatiş ke tena temsîlkarê înan HDP yo û îzehet wina domîya: “Hetêk de namzedê Serekkomarîye ke heme îmkananê dewlete bikar ano esto, heto bîn de zî Demîrtaşo ke erzîyayo hucreyî. Ma veng danî herkesî ke wa vera bêedaletîye de destek bidî ma.” Çalakîye bi vilakerdişê vilawekan qedîyaye.

Faşîzm û dişmenîya cinîyan rê

NO PASARAN

Heto bîn ra bajarê Stockholmî yê Swêdî de grûbêka cinîyan ameye têhet û çalakîya boykotkerdişê dewleta tirkî viraştî. Cinîyan pankartê ‘Tirkîya boykot bike’ kiriştî û vilawekî vila kerdî. Xeylê kesî beşdarê çalakîye bîyî. Çalakgêran waşt ke wa herkes bi hawayo aktîf beşdarê çalakîya înan bibo.

Partîya Newe ra Rizgarîye ya Sosyalîste (SYKP) zî bajarê Baselî de mîtîngêka bi nameyê Tirkîya de faşîzm û dişmenîya cinîyan rê NO PASARAN organîze kerde û bi seyan kesî beşdarê mîtînge bîyî.

MERKEZÊ XEBERAN

Yazarın diğer yazıları

    None Found