Wa dezgehî wezîfeyê xo bikerî

Çalakîya nobete ya ke seba azadîya Rayberê Şarê Kurdî Abdullah Ocalanî Strasbourg de vernîya Konseyê Ewropa de yena viraştene, 2012 ra nata yo ke dewam kena. Nobete hewteyo 373. de hetê grûba bajarê Giessenî yê Almanya ra yena rayraberdene.

Seke yeno zanayene çalakîya nobete her hewte bajaranê cîya-cîyayan yê Ewropa ra kurdîstanîjî tewrê ci benê. Çalakîya nobete ya ke hewteyo verên hetê grûbêka bajarê Kasselî ra ameye rayraberdene, no hewte Kurdê bi nameyê Bariş Aydogan, Emîn Emektar û Osman Osman ê ke Giessen ra ameyî dewr girewte.

Bariş Aydogano ke bi nameyê grûbe qisey kerd, wina va: “Kurdê ke bi serran o na çalakîye danê domnayene tena waştişê înan azadîya Rayberîya înan o. Hinî sebirê ma nêmendo. Wa çew ma bi naye îmtîhan mekero. Konseyê Ewropa (KE) û Komîteya Vernîgirewtişê Îşkenceyî (CPT) ganî wezîfeyê xo bica bîyarê û wa hînî şarî qurbanê polîtîkayanê dirîyan mebê.”

STRASBOURG 

Yazarın diğer yazıları

    None Found