Wayîrê bedenê xo bivejîye

Komîteya Perwerdeyî ya KCKyî 15ê Gulane Roşanê Ziwanê Kurdî pîroz kerd û wina vato: “Ganî bêro famkerdene ke ti manaya ez nêşêna qisey bika, binusa, fam nêkena û sewbîna çin a. Ziwan beden o, kultur beden o, cografya beden a, wayîrê bedenê xo bivejîye.”

15ê Gulana 1932î de hetê Celadet Elî Bedirxanî ra Kovara Hawarî ameya weşanayene û no semed ra 15ê Gulane sey Roşanê Ziwanê Kurdî ameyo qebulkerdene. Her serre na roje yena pîrozkerdene. Komîteya Perwerdeyî ya KCKyî zî Roşanê Ziwanê Kurdî pîroz kerd.

Komîteye da zanayene ê prosesêko winasî ke çar parçeyanê Kurdîstanî ra heta zîndanan û çar hetanê dinya de grevê vêşanîye û çalakîyê ke seba wedarnayîşê tecrîdî estî de Roşanê Ziwanê Kurdî pîroz kenî û wina dewam kerdo: “Sebebo tewr pîl yê nê xoverdayîşan pawitiş û domnayîşê ziwanî yo. Ma sere de Roşanê Ziwanê Kurdî yê Rayber Apoyî, dima ra yê heme şarê xo pîroz kenî.”

Komîteye vato ‘seke yeno zanayene Kovara Hawarî ke hetê Celadet Bedirxanî ra bi herfanê latînkî ameya weşanayene, seba ziwanî hemleyêka tarîxî ya’ û wina domnayo: “2006 ra nata her serre 15ê Gulane yeno pîrozkerdene. Ewro cigêrayîşanê tarîxîyan ra zî yeno famkerdene ke ziwanê Kurdî ziwananê kehenan ra yo. Kurdan her çiqas ke hende zulm, teda û îşxalî dîyî zî ziwanê xo pawito. Ehmedê Xanîyî qala na babete kerda. Sîstemo ewroyên zî ewro nê înkarî domneno. Nimuneya tewr baş zî Miletê Yewbîyayeyî yo; no sîstem goreyê şarî nê, goreyê dewlet û îqtîdarî ameyo awankerdene. Eke wina nêbîyêne, ziwanê kurdan zî cayê xo mîyanê nê sîstemî de girewtêne.”

Ti manaya ê vatişan çin a

Komîteye dewamê mesajî de wina vato: “Helbet şarê ma sîstemêko winasî ra hêvî nêkeno. Coka vera nê sîstemî de xover dano. Heto bîn ra seba vengvetişê nê sîstemî zî çîyê ke lazim î nînî kerdene. Bitaybetî ziwanê ma her hetê cuye de nîno qiseykerdene û nuştene. Reyna roşnvîrê ma seba ke no ziwan bibo ziwanê perwerdeyî, berpirsîyarîya xo nêarda ca. Êdî ganî bêro famkerdene ke ti manaya ‘ez nêşêna bi ziwanê xo qisey bika, binusa, fam nêkena û nêşêna bifikirîya’ çin a. No het de vatişê Rayber Apoyî yê ‘Ziwan beden o, kultur beden o, cografya beden a, wayîrê bedenê xo bivejîye’ yeno zanayene. Ganî ma hîna zaf wayîrê ziwanê xo bivejyî û aver bîşêrî.”

AMED

Yazarın diğer yazıları

    None Found