‘Wê rewşenbîr nehêlin ziman di tarîtiyê de bixeniqe’

Weşanxaneya J&J’ yê pirtûka bi navê “Şevê” weşand. Ev kitêba duyê ya nivîskar û

şair Încî Egîd e. Înciyê got; “Pirtûkên min bi zimanê dayikê ne, ev serbilindiyeke bêhempa ye.”

Ew jî tevî 220 nivîskar û şairên li Pêşangeha Pirtûkan a Amedê ya 7´an hazir bûn. Încî di destpêkê de di rojnameya Azadiya Welat de karê nuçegihaniyê kiriye. Piştre bi zimanê dayikê dest bi nivîsîna helbestê dike. Încî dibêje; “Ji bo jiyanê xisûsê herî girîng zimanê dayikê ye. Her kesê ku li pey heqîqetê here wê di destpêkê de xizmeta ziman bike. Nivîsa min hemû bi wê armancê ye.”

Încî di dewamê de girîngiya zimên û dewra rewşenbîran jî wiha dinirxîne: “(Di pêşangehê de) Me bi zimanê xwe xwe îfade kir. Hêvîdar im di demên li pêş de serketinên mezintir bi dest bixin. Ev rewşenbîr wê nehêlin ziman di tarîtiyê de bixeniqe.” Încî li ser naveroka helbestên xwe jî dibêje, “Her helbestvan, stranbêj û wênevanekî Kurd bê xwestek jî be li ser van bûyerên qewimî, teşe dide hunera xwe. Min jî di her helbestekê de, ev hest parve kiriye.”

JINNEWS/AMED

Yazarın diğer yazıları

    None Found