Wezîra Pawitişî ya Almanî Tirkîya hişyar kerde

Vera tehdîtanê dagîrkerîye yê dewleta Tirkî wextêkî ra nata Almanya de nêrazîbîyayîş estbi. Partîya muxalefetî ya sey Partîya Çepe û Keskan, bi hewayêkê ciddî dewleta Tirkî hişyar kerde û waşt ke wa rejîmê Erdoganî ser o ambargoya sîlehan bêra ronayene.Selahîyetdaranê Hukmatê Federalî bi serekwezîrtîya Angela Merkele heta nika eşkerayîya zelale pare nêkerdbî, tena vervatoxanê hukmatî kombîyayîşanê çapemenîye de qisey kerdêne. Labelê na reye Wezîra Pawitişî Annegret Kramp Karrenbauera ke Malî de zîyaretê leşkeranê Almanî kerd, veng da Anqara ke hayîya gamanê xo bibê ke herême de benê sebebê bêaramîye. Ajansê Xeberan ê Fransa (AFP) pare kerd ke Karrenbauere seba Tirkîya vato “Ma partnera xo ya NATO ra hêvî kenê ke herinda gamanê ke aramîye ya herême xeripnenê, gamanê ke aramîye kenê xurtêr bierzê.”

BERLÎN

Yazarın diğer yazıları

    None Found