‘Xoverdayîşê ma rê wayîr bivejyê’

Çalakîya girevê vêşanî ya Nurîye Gulmene û Semîh Ozakçayî roja 239. de dewam kena. Seke yeno zanayîş roja 76. ya grevê vêşanî de Gulmene û Ozakça ameybî tewqîfkerdiş û dima ra Ozakça ame tehlîyekerdiş, labelê Gulmene hîna zî zîndan de ya. 

Nurîye Gulmena ke zîndan de ya, 2 rojî verê bi mabênkarîya waya xo Beyza Gulmene mesajêk erşawite. Mesajo ke Gulmene erşawitoi wina yo: “Ewro roja 237. ya grevê vêşanî yo. Xoverdayîşê ma vera vêşanî, tecrîd, bêmerdimî, dej û sewbîna de dewam keno. Ma her roje vera faşîzmî de bi îradeya xo serkewenî. Ez veng dana şarê ma ke wa seba ke piştî bidî xoverdayîşê ma vera xo bidî vernîya Nêweşxaneyê Numune, wa şêrî hetê Semîhî û beşdarê çalakîya Cehdeyê Yukselî bibî. Ma nîşan bidî faşîzmê AKPyî ke ma tena nîyî.”  

JINNEWS/ANQARA

Yazarın diğer yazıları

    None Found