Armanc Rojawan de vilakerdişê Koronayî yo

Kantonê Hesekêyî de Îstasyonê Awe yê Elûkî bi sehezar merdimî ra xizmetê awa şimitişî dano la dewleta Tirk û çeteyê ci hêrişê no îstasyon kerdê û qefelnayê. Babete ser Hereketa Komelo Demokratîk (TEV-DEM) aşkerayêk da.

Aşkera de ame vatiş ke qefelyayişê îstasyonî ser o bi sehezaran merdim bêawe mendê, armancê dewleta Tirk û çeteyê ci Rojawan de vilakerdişê Vîrûsê Koronayî yo û wina ame vatiş: “Vîrûsê Koronayî pêroyina Dinya û Tirkîya de zî vila beno, her roj bi seyan merdim cuya xo danê. Demo winayin de birnayişê awe îradeya şarî hêriş o, Surîyeya Rojhelat û Vakûrî ra dewleta Tirk têrorî da cuyayiş, nika wazena vîrûsê bido vilakerdiş. Nika bi hezaran merdim bêawe mendê, nêbîyayişê awe vera vîrûsê şarî bêpawitiş veradano. Dewleta Tirk wazena bi no rayîrî bi hezaran merdimî qetil bika.”

Sazîyê mîyanêneteweyî ra veng

Aşkera de sazîyê mîyanêneteweyî ra veng ame dayiş ke mîyanê Surîye û Tirkîya de sînorêko bi derg esto, Vîrûsê Koronayî nika pêroyina Tirkîya ra vila bîyo û Tirkîya ra vîyartişê vîrûsî Surîye ra îxtîmalêk o, no ser zî ganî sazîyê mîyanênetewî na babete de Tirkîya teda bikê, ganîya ke Îstasyonê Awe ya Elûkî xebat biko. ANHA/QAMIŞLO