Çapkerdişê Zrîngî Korona ra ame taloqkerdene

Kovara xêze ya Zrîngî ya ke kirdkî (zazakî) û kurmanckî weşanîyena rîyê janê Korona ra çapê xo yê menga nîsane taloq kerd. Îdareyê kovare vizêr eşkerayîyêke daye û îfade kerd ke înan rîyê janê Korona ra na bire girewte.

Eşkerayîye de ama vatene ke hetê vilakerdişê kovare ra îdareyê kovare bira taloqî ser o munaqeşe kerde û seba weşîya vilakerdoxan û wendoxan bire ameye qebulkerdene.

Hetê bînî ra eşkerayîye de bale ameye antene destsernayîşê şaredarîyanê kurdan ser û wina ame vatene: ”Îqtîdarê vîrusan zî sey ê qeyûman demkî yê. Ewro kuçeyî ê vîrusan ê la siba do ê ma bibê. Sebir bikerê û keye de bimanê.” AMED