Cigêrayox Ehmedê Dirihî wefat kerd

Cigêrayox Ehmedê Dirihî (Ahmet Kasimoglu) ke Ferhengê Nebatan ê bi Kurdkî amade kerdbî, wefat kerd. Seke yeno zanayene Dirihî demêko derg bi ke nêweş bi û nêweşxane de tedawî dîyêne. Dirihî vizêr wefat kerd. Keyeyê ci cenazeya ci berd dewa Çilkanî ya Çewlîgî.

Cigêrayox Dirihî netîceyê xebata xo ya 14 serran de ferhengêk amade kerdbî û ferheng de nameyê bi hezaran nebatan arê dayo. Dirihî 1999 de dest bi cigêrayîşan keno û Êlûla 2012î de xebata xo sey ferhengêk netîce keno.

Dirihî çarçewaya xebata xo de Îdir ra heta Colemêrg, Qereyazî ra heta Riha, Barzan, Amedîye, Duhok û xeylê cayanê bînan de cigêrayîşan keno. Dirihî nebatan cayê ci de vîneno û nameyê înan qeyd keno. Dirihî peynîya xebatêka 14 serran ra dima eserêko erjaye xo pey de verda û koçî heqîya xo kerd. Yewna xebatkarê ziwanê Kurdî kêmîya, wa cenetmekan bo.

 AMED