Dêrsimijêke loqma vila kerd

Dinya û Tirkîya de Vîrûsê Koronayî bi lezî vila beno û çarçiweya tedbîrê neweyî de Fedarasyonê Elewî Bektaşîyî, Fedarasyonê Komelê Elewîye, Fedarasyonê Weqfê Elewîye, Weqfa Haci Bektaş Velîyî, Komela Kultirî ya Pîr Sultan Abdalî û rêxistinê elewîye cemxaneyan qefelnabî.

Dêrsim de bawerîya elewîye yena cuyayiş, cenîyêka dêrsimijî seba Dinya û Tirkîya de qedyayişê Vîrûsê Koronayî ser o loqma vila kerd. Demê vilakerdişê loqmayî zî wina vat: “Xizir deryayêk o, heme Dinya bixelisno, domanê ma sitar biko, wa extîyarê ma dest nêko, wa ewlîyayan nê rojê teng de Dinya bixelisnê.” DÊRSIM