18.2 C
Berlin
Cuma, Temmuz 10, 2020
Ana Sayfa Kırmanckî Gerîlayî Heftanîn de kayê îşxalkeran xeripnenê

Gerîlayî Heftanîn de kayê îşxalkeran xeripnenê

Hêzanê şerî yê dewleta tirke ya ke seba îşxalê Başûrê Kurdîstanî hêrişê Heftanînî kena, derbanê giranan wena.

Dewleta tirke ya ke seba ke kurdan bêstatu biverda bi hawayêkê topyekûnî hêriş kena, seba ke pêro Rojawan û Başûrê Kurdîstanî îşxal bikera hêrişê Heftanînî kena. Hêzê gerîlayan zî pê xoverdayîşêkê pîlî vera nê hêrişan vindenê û derbanê giranan danê artêşa tirke ro.

Hêrişê îşxalî yê artêşa tirke yê 16ê hezîrane de ke herêma Heftanînî ya Herêmanê Pawitişî yê Medya de da destpêkerdene, seba Têkoşînê Azadîye yê Kurdîstanî de bîyo sebebê destpêkerdişê neweyî. Hêzê îşxalkerî rastê kelaya xoverdayîşê gerîlayan ameyî. Helîkopteranê înan rê derbî ameyî dayene, xeylêk leşkerê înan kişîyayî.

Derbê ke artêşa tirke ya îşxalkere heta 16ê hezîrane Heftanîn de werdî wina yê:

* Hûmara çalakîyan: 37

* Hûmara kişteyan: 90

* Helîkopterê Kobra yê ke derbî werdî: 6

* Çalakîyê ke netîceyê înan nêameyî zelalkerdene: 10

Nê done û dîmenê Gerîla TVyî mojnenê ke artêşa tirke erdî ser o pê gerîlayan bieşka. Artêşa tirke pê hêrişanê hewayî kena ke payan ser o vindera la pê taktîkê gerîlayan şok bena.

Hema hema her saete artêşa îşxalkere pê obus, teyarayanê şerî, keşfî û bêmerdiman herême dana bombayan ver.

Gerîlayî nê wextî de têna Heftanîn de nê, xeta Zap-Xakurkê-Çelê de heta Gever û Botan de çalakîye kenê.

Dewleta tirke pê zûran komel xapînena la dîmenê gerîlayan û netîceyê çalakîyan raştîyan mojnenê. MERKEZÊ XEBERAN