Heme demê xo bi xebata aştîye vîyarna

Sirri Sureyya Onder vat ke rewşa Rayberê PKKî Abdullah Ocalanî yê Îmraliyî de sey esirî nêeşkîyeno şîrove bêro kerdiş, çimkî esîrî lîteraturê Ocalanî de sey nêfikrîyayiş o la Ocalan her demê xo seba xebata aştîya welatî vîreneno.

FERHAT ÇELÎK / MA/STENBOL

Serra 1998î de Abdullah Ocalan bi komploya 9’ê citmenge ya Mîyanênneteweyî, Surîye ra ame vetiş, Ocalan zî seba persgirikê Kurd b, aştî çareser bibo ser o xebatkerdişî rê beranê Ewropayî ra resa la nê beran yew bi yew ameyî girewtiş û peynî bi îxanetî Tirkîya ra ame teslîmkerdiş, 15’ê Sibata 1999î nika Grevê Îmlaliyî de binê tecrîdî de hepsîyo. Tecrîdê 22 serrî ser o Verin Wekîlê HDPî û Endamê Heyetê Îmraliyî Sirri Sureyya Onder qise kerd.

Verin Wekîlê HDPî û Endamê Heyetê Îmraliyî Sirri Sureyya Onder vat ke Ocalan qet xo rewşa esîrî şîrove nêkerdinî, çimkî her tim seba aştîya komelî xebat kerdinî û wina vat: “Ocalan ma ra vatinî; Sîstemê Îmraliyî tena aştîya komelî erî keno la nêeşkeno xebatanê min ra asteng bibo. Sîstemê dewlet û îqtîdarî bîyayişê xo çinkerdişê demokrasi û aştîye ser o înşa kerdî, no ser zî prosesê pêkewtişî zî seba rayberîya xo ya faşîstî ra kerdî semed. Aştî encax bi waştişê komelî de bêro. Nêzdîbîyayişê Ocalanî yê Newroza 2013î seba aştî qerarêko bi cidî bî, qet seba xo nêfikrîyaynî û hema zî no nêzdîbîyayişê xo domneno. Çi heyfo ke Enqere qet mîyanê psîkolojî yê aştî fam kerda de nîyo, bi temamî xo ra rayberîya faşîstî esas girewto.”    

Şaran yewbînan ra kenî dişmen

Verin Wekîlê HDPî û Endamê Heyetê Îmraliyî Onder dîyar kerd ke Prosesê Çareserîye tarîx de do sey xebatêka seba aştîye waştişêk cayê xo bigo la prosesê winayin dest pê biko qet sey rêbazo verin nêbo, çimkî no eqil û tarîx ra dijber o û wina domna: “Esil raştinî, muxatabî bi raştînî şeklê gêna. Nika çi heyfo ke mintiqa de her ca veşeno, hêzê emperyalî mintiqa açarnayî gonê behrî ra, çarçiweya ci zî nika şar bi vêşenî ra mireno, armancê înan têkberdişê rûmetê şarî yo. Hêzê emperyal şaran yewbînan ra kenî dişmen.”

ç

Onder pare kerd ke hema zî omid keno ke do aştî bêro, çimkî mazlumê mintiqayî nika behsê ameyoxo demokratîke kenî, no ser zî do emrê emperyalan sey verin derg nêbo û wina qedîna: “Eke qismet bibo hewna ez şîra Îmraliyî do sifte weşîya Ocalanî bipersa, lomedayişêko bi hera vera ci de bido. Peynî zî vajo ke eke prosesêko de azadîya to hetanî nêro çareserkerdiş û ma çiqas zî têkoşîn bidê bila semed o.”