15.6 C
Berlin
Cuma, Temmuz 10, 2020
Ana Sayfa Kırmanckî HPG: 5 îşxalkerî ameyî cezakerdene

HPG: 5 îşxalkerî ameyî cezakerdene

Çalakîyanê gerîlayanê HPG/YJA-Starî de Heftanîn û Xakurkê de vera îşxalkeran de qaso ke ame zelalkerdene 5 leşkerê tirkî ameyî cezakerdene. Qezaya Xîzanî ya Bedlîsî de zî îstasyonêkê bazî ame îmhakerdene.

Merkezê Îrtîbatî û Çapemenîye yê HPGyî pê eşkerayîyêke da zanayene ke hêzanê înan vera hêzanê îşxalkeran çarçewa Hamleya Şorşgêre ya Cengê Heftanînî de tay çalakîyî kerdî.

Eşkerayîya HPGyî wina ya:

Heftanîn: ”25ê hezîrane de hêzanê ma cayê Girê Dupişka yê Heftanînî de tay çalakîyê sekbanîye kerdî. Nê çalakîyan de 3 leşkerî ameyî cezakerdene. Heman roje hêzanê ma vera yewinanê dişmenan çalakîyî kerdî. Netîceyê çalakîyanê hêzanê ma nêameyî zelalkerdene.

Heman roje hêzanê ma leşkerê ke warê Şehîd Şêxmûrî û Şehîd Merwanî ra ver bi waranê Şehîd Cûdî û Şehîd Dêrsimî şîyêne hedef kerdî. Kişte û birîndaranê na çalakîye hema nêameyî tesbîtkerdene. Hêzanê îşxalkeran dima war da bombayan ver. Nê bombardumanî de embaza ma Nurcana ke pê çêrî şer kerdêne, şehîd bîye. Reyna hêzanê ma heman warî de vera yewinanê dişmenan çalakîyêka sekbanîye kerde û leşkerêk ame cezakerdene.

Reyna 25ê hezîrane de şewe artêşa tirke warê Şeşdara û dewa Minine ser o bombayî varnayî. Vizêr zî warê Şeşdarî de şer de embaza ma Zeryaya ke heta guleyê xo yê peyênî şer kerda, şehîd bîye.

Lêlikan: Hêzanê ma çarçewa Hamleya Şorşgêrî ya Şehîd Bager û Şehîde Ronya de 25ê hezîrane de Girê Lêlîkanî yê herêma Xakurkê yê Herêmanê Pawitişî yê Medya de artêşa TCyî ya îşxalkere kerde hedef. Na çalakîye de zî leşkerêk ame cezakerdene.

Xîzan: 25ê gulane de hêzanê ma îstasyonê bazî yê dewa Bercûmî ya pabesteya Xîzanî ya Bedlîsî kerd hedef û îstasyon teqna.

Cûdî: 8ê hezîrane de warê Deşta Silopî yê herêma Koyê Cûdîyî yê Şirnexî de mabênê hêzanê ma û artêşa tirke ya îşxalkere de şer qewimîya. Nê şerî de embazêkê ma şehîd bi. Şexsêkê bi nameyê Rojî zî teslîmê dişmenî bi.

Saca

25ê hezîrane de saete 23:30 de teyarayanê şerî yê artêşa TCyî ya îşxalkere warê Saca yê Herêma Zapî yê Herêmanê Pawitişî yê Medya ser o bombayî varnayî. Nê bombardumanî de zîyanêk nêresa hêzanê ma.”

ANF/BEHDÎNAN