23.2 C
Berlin
Çarşamba, Temmuz 1, 2020
Ana Sayfa Kırmanckî KCK: Heta ke uzro fermî mewazîyo dewaya Palme nîna girewtene!

KCK: Heta ke uzro fermî mewazîyo dewaya Palme nîna girewtene!

KCKyî derheqê cipêrsayîşê dewaya Olof Palme de eşkerayîyêke daye û vat heta şarê kurdî û PKKyî ra uzro fermî mero waştene na dewa nîna qefilnayene.

Hemserekîya Konseya Rayberdişî ya KCKyî derheqê dewaya Serokwezîro verên ê Swêdî Olof Palmeyo ke 1986 de ame qedilkerdene û sûcê kiştişî erzîya kurdan ser de eşkerayîyêke daye û vera qefilnayîşê dewa nêrazîbîyayîş ramot.

Eşkerayîye ra tayî cayî wina yê:

”Ame eşkerakerdene ke dawaya Olof Palmeyî ameya qefilnayene û sey cînayetêkê kiştoxê ci nîno zanayene tarîx de cayê xo girewt ke no dokumentê şarmêk o. Seba ke kiştoxî eşkera nêbîyî do tim sey çîyêkê anorşikteyî bêro vîrardene. Badê qetilkerdişê Olof Palme sûc ame eştene serê PKKyî heme dinya sey kampanyayêke ame rayraberdene ke zaf zirar da têgêrayîşê azadîye yê kurdan. Seba ke Olof Palme sîyasetmedarêko nerm bi û hetê şarî ra ameyêne heskerdene hetê NATO ra sey tehluke ame dîyene. Gladyoya NATOyî bi kiştişê Palme û sûcdarkerdişê PKKyî waşt ke çend hedefanê xo pîya bîyaro ca.

Qefilnayîşê na dosya sere de semedê şarê Swêdî semedê  heme demokrat û sosyalîstan tewirêko anorşikte yo. Ganî vera naye tewir bêro girewtene ke kiştoxê bêrê eşkerakerdene. Qefilnayîşê na doysa vera şarê kurdî zî bêadeletîya girde û bêhurmetîye ya. Rîyê nê cînayetî ra şarê kurdî bi serran  ame sûcdarkerdene. Şarê ma hetê manevîyetî ra zaf zirar dî û têkoşînê azadîye zî zirar dî. Badê nê cînayetî PKK ame girewtene lîsteyê terorî. Coka heta ke şarê kurdî û PKKyî ra uzro fermî mero waştene na dosya nîna qefilnayene! Ganî bêro eşkerakerdene ke naye ra şarê kurdî û PKKyî senî zirar dîyo uzr bêro waştene. Ma reyna kiştişê Olof Palmeyî şermezar kenê û seba ke dostanê kurdan bi ma do semedê eşkerakerdişê cînayetî têkoşîn bidê. Ma sey şarê kurdî do peynîya naye camêverdê. Ma  Olof Palme yê demokrat û humanîstî reyna bihurmet yad kenê.” ANF/BEHDÎNAN