Kedkarê weşîye fermandarê ma yê

Fermandarê Pêroyî yê HSD Mazlûm Ebdî hesabê xo yê Twitterî ser ra vera vîrûsê korona beyanatêk da û va: “Nê prosesê hessasî de ma vanê, kedkarê weşîye fermandarê ma yê.” Ebdî vera vîrûsê korona wina veng da: “Seke yeno zanayîş vîrûsê korona pêroyê dinya de bi leze vila bîyo. Her çendêk vîrûs hîna herêma ma de nêameyo vînayîş zî, la tehdîd esto. Seba ke ma tedbîranê xo bigîre ma tikî qerarî dayî. Ganî ma pêro tedbîrê ke Ryberîya  Xosere girewtê bîyare ca.”

Wina domna: “Seba ke îmkanê herêma ma kêm ê, tedbîro en pîl vîrûsî ra xopawitiş o. Pawitişê bajarî bes nêkeno ganî ma keyeyê xo, derûdorê xo, dost û embazanê xo vîrûsî bipawê. Nê prosesê hessasî de ma vanê, kedkarê weşîye fermandarê ma yê. Onca kedkarê çapemenî pêro fermandarê ma yê. Ma têkoşînê înan silam kenê. Ma veng danê şarê xo ke wa kedkaranê weşîye rê bibê ardimkar û nêwerdo wa vîrûs herêma ma de vila bibo.” AMED