Kongreya Awankerdişî ya Dêrsimî

Cimatê Newe ra Awankerdişê Dêrsimî yo ke 15 serrî verê cu Almanya de amebi awankerdene, kongreya xo ya îstîsnayî ya 5. de nameyê xo bedilna û kerd ‘Kongreya Awankerdişî ya Dêrsimî’.

Kongre bajarokê Hochtaunusî yê bajarê Frankfurtî yê Almanya de, salona Merkezê Kulturî yê Elewîyan de ameye viraştene. Sere de Almanya, Belçîka, Fransa, Swîsre û Awusturya ra nêzdîyê 100 delegeyî beşdarê konge bîyî.

Seba Heyetê Dîwanê Kongre, ziwannas û nuştox Lerzan Jandil, Hemserekê Komela Vera Qirkerdişî ya Dêrsimî de Turan Tekîn ve Songul Çelîke ameyî weçînayene. Parlamenterê Partîya Demokratîke ya Şaran (HDP) yê Dêrsimî Alîcan Onlu û Parlamenterê Partîya Çepgire ya Almanî Gokay Akbulate beşdarê kongre bîyî.

Temsîlkar, hunermend û nuştoxê ke beşdarê Kongreya Awankerdişî ya Dêrsimî bîyî, nê yê: Bi nameyê Merkezê Cigêrayîşan ê Dêrsimî (DAM) Huseyîn Ayrilmaz, Komela Vera Qirkerdişî de ya Dêrsimî, Federasyonê Komelan ê Qoçgirî yê Ewropa, Hemsereka Federasyonê Elewîyanê Demokratîkî (FEDA) Bedrana Yildirime, Însîyatîfê Depî yê Ewropa, Wezîfedaranê Perwerdeyî yê Unîversîteya Bremenî ra Çetîn Gurer, huqûqnas Nîhat Kaygalak û Nîhat Çelîk, nuştox û sîyasetmedar Demîr Çelîk, hunermend Ferhat Tunç, Ozan Comert, Mîkaîl Arslan, Cemîl Koçgirî, Ozan Serdar, Ozan Emekçî, nuştox Erdogan Yalgin, Erdal Er.

ANF / FRANKFURT