Ma do bibê cewabê şarê xo

DENÎZ ÎKE/ANF/AMED

Yewîya Neteweyîye ya kurdan ser o temsîlkarî û îdarekarê partîyanê kurdan wextêkê dergî ra nata munaqeşe kenê. Serekê Pêroyî yê Partîya Komunuste ya Kurdistanî (KKP) Sînan Çîftyurekî derheqê girîngî û xebatanê Yewîya Neteweyî ya kurdan de qisey kerd. Çîftyurekî ard ziwan ke seba ke Kurdistan ame îşxalkerdene û şar binê tedayan de yo heta nika kurdî nêbîyî yew.

‘Ganî armanc yewîye bibo’

Çîftyurekî eşkera kerd ke yewîye seba şarê Kurdistanî û sîyasetê kurdî zaf girîng a û vat: ”Rojhelatê Kurdîstanî de waştişê neteweyê demokratîkî û estbîyayîşê kurdan yenê çinkerdene. No seba ke ma bibê yew semedo verên o. Ma sey partîye bi nê hawayî ewnîyenê yewîya neteweyîye. Ganî hînî partîyê kurdan nakokî û meseleyanê zereyî bidê hetêk û berê yew ca. Ma mecbur ê ke bibê cewabê şarê xo. Ganî armanc yewîye bibo.

Wexto ke babete kurd biba pêro îşxalkerî kardê xo tûj kenê û kurdan ser polîtîka kenê. Her çar dewletê îşxalkerî zî wazenê ke destkewteyanê kurdan çin bikerê. Ma pêroyînan ceribnayîşo yewîn Kerkûk de, Koman de dî û ma ewro zî Serêkanîyê de vînenê. No zî benga sîyasetê kurdan dano ke kom bibo û yewîya xo awan bikero.

Ganî ma yewîya xo vera hêrişanê zereyî û teberî xurt û bihêz bikerê. Ganî çar parçeyanê Kurdistanî de zî ma menfaatanê kurdî bivejê vernî. Siba beno ke erey o ganî ma cade yewîya xo awan bikerê û waştişê şarê kurdî bîyarê ca.”