Ma qet ravêreyeye peynî nêkerî

Rojê 6 û 7’ê citmenge de seba hetkarîdayişê Kobanê çalakîyan ame viraştiş û nê çalakîyan, peynî ya demî xo agêra serehewanayişê. Peynîya nê çalakîyan hukûmata AKP, nê çalakîyan ra berpirsîyar HDP dî û HDPe hedef mojna.
Bi no nêzdîbîyîşê xo zî AKP mojna ke AKP seba ravêreyeye qet gam nêerzena û peynîya no nêzdîbîyîşê seba ravêreyeye heme pêvînayişan vindert. Taybetê di mîyanê na aşme de çi qewimya û nê averşîyîşan çi wate yena, ravêreyeye vindert ya zî peynî bi? Heme nê persê krîtîk ra Wekîla Serekeya HDPe Pervîn Buldan verpers da.

RAVÊREYEYE VINDERTA

Wekîla Serekeya HDPe Pervîn Buldan aşkera kerd ke ravêreyeye hukûmat hetê xo ra girewta çeko û hetanê nika zî seba averşîyîşê ravêreyeye ser hetê hukûmate yew peyam nêameyadayiş û wina vat: “Nika hukûmat polîtîkayê mijûlkerdişî şuxulnena. Ganî hukûmata AKP no polîtîkayê xo ra fek verabido û seba averşîyîşê ravêreyeye gamê şenber bierzo. Seba Ocalanî yew sekretarya biameynê ronayiş, ma zî seba no sekreteryayê heyeta dewlete rayê pêvînayiş kerd û heyeta dewlete na pêşnîyaze ra weş ewnîyayo. Esas muhîm di mîyanê Ocalan û dewlet de pêvînayiş o. Esas muhîm mesele gamê şenber eştişê hukûmate yo û gamê şenberî yewin zî sazbîyîşê sekretarya yo û sazbîyîşê sekretarya wateya vîyartişê muzakere yo.”

AKP BERPIRSÎYAR A

Wekîla Serekeya HDPe Buldan destnîşan kerd ke eke ravêreyeye xirap bibo, do na rewş ra nê Ocalan nê zî hetê kurd bierpirsîyar bibê û wina domna: “Ma qet xirapbîyîşê ravêreyeye ser gam nêerzî. Ma kesekê fikr kerdî di heyeta şopnayişî de ca bigê, ma nê nameyê peynîya pêvînayişê rayedarê KCK û Ocalan de net kerdî û ma nê nameyê zî rayedarê dewlet û hukûmate ra zî resnay. Peynîya çalakîyê Kobanê, ma hetanê nika heyeta hukûmate reyde pêvînayiş nêviraştê. Ma tewr peynî Ocalan reyde pêvînayiş kerdî. Ez aşkera vana ke peynîya çalakîyê Kobanêye ravêreyeye vindert o. Ma hetê hukûmata AKPe ra averşîyîşê ravêreyeye ser peyam pawiyenî la hetanê nika yew pêvînayiş nêameya kerdiş.”

RAVÊREYEYE ÇEKO DE YA

Buldan dîyar kerd ke înan dema ke rayedarê dewlet û hukûmate pêvînayişê viraştî her tim înan no pêvînayişê rayedarê hukûmate ra waştê xo yê şert û mercê bedilnayişê Rayverê Şarê Kurd Abdullah Ocalan û vîyaretişê ravêreyeya muzekereyê resnay, çimkî di mîyanê 1,5’ê serre de ravêreyeya dîyalogê ame cuyayiş û êdî na ravêreyeya dîyalogê peynî bîyo, no ser zî ganî ravêreyeya muzakereyê ra bêro vîyartiş.
Buldan no dergî da qise xo: “Ma waştê seba birêz Ocalanî yew sekretarya bêro ronayiş û ma no waştişê pêroyina Tirkîya reyde pay kerdî. Tena sazbîyîşê sekretarya nêbî, hewna ma waştê Heyeta Şopnayişî û di muzakareyan de hetê hîrêyin bibo. Verba no waştişê ma zî, rayedarê hukûmate destpê aşkerayê negatîfê kerdî û no sînyalê vindarnayişê ravêreyeye bi. Ma dîyar kenî ke hukûmata AKP ravêreyeya girewta çekoye û zonê polemîkî şuxulnena. Ma nika netîceyê nê polîtîkayan cuyenê, finak endamê PMê ma birêz Ahmet Karataş ra hêriş ame kerdiş. No hêriş ra zî zonê hukûmata AKP bi semed. Qet şuxulnayişê zon, uslup û rêgezê hukûmate raşt nîyo.”
Buldan bal ont ser di ravêreyeya heyete de çi ganî keno û wina dewam kerd: “Ma wazenê ravêreyeya dîyalogê xo bi tado ravêreyeya muzakereyî. Çimkî nika Tirkîyaye ra lazimeya aştîya komeleye est o. Rayîrê no aştî zî ravêreyeya muzakereyî ra vîyarena. Di no rayîrê birêz Ocalan tavrê xo ronayo û no tavrê Ocalan raşt o. Ganîyo ke di na babete de hukûmata AKP tavrê xo raşt dîyar bikero û gamê şenber bierzo. Ma zî zanenekê esil mesele Kobanê nîyo, çi heyfo ke hukûmat di projeyê aştî ra bi zerrî nêz nêbena. Ez aşkera vana ke verê ravêreyeye ra nika hukûmat gamê şenber nêeşt.”
Buldan wina vat: “Ta sere ravêreyeye ra nika hêzê tarî waştê na ravêreyeye avernêşo û xirapkerdişê na ravêreyeye ser zî destê înan de çi ameyo se kerdî. Hewna sere ravêreyeya nika birêz Ocalan vat ke ganî şert û mercê Îmrale bêro bedilnayiş û kanalê ciresnayişî bi komeleye zî bêro akerdiş. Ma zî vat ke sewbî kesî zî Îmrale ra şîrê û Heyeta Şopnayişî bêro ronayiş.”

Hukûmate HDP hedef mojna

Buldan vat ke înan perîyodîk her tim verê pêvînayişê Rayverê Şarê Kurd Abdullah Ocalan, heyeta hukûmate reydê pêvînayiş kenî la tewr peynî pêvînayişê Rayverê Şarê Kurd Abdullah Ocalan ra pey heyeta hukûmate pêvînayiş nêameyakerdiş û wina dewam kerd: “No ser zî ganî ma verê pêvînayişê Rayverê Şarê Kurd Abdullah Ocalan heyeta hukûmate reyde pêvînayiş bikerê la belê hema zî no pêvînayiş nêamekerdiş.”

Buldan aşkera kerd ke eke heyeta hukûmate reyde pêvînayiş bêro kerdiş do ê seba şîyîşê Îmralîye randevu bigerê û wina domna: “Ma nika di ravêreyeya bêhempayî de yê, tewr peynî çalakîyê Kobanê û aşkeradayişê hukûmate ya seba Kobanê û nêzdîbîyîşê hukûmate, averşîyîşê Kobanê, wayîrvejîyayişê şarê yê Kobanê ra û nêkewtişê Kobanê hukûmata AKP nêrehet kerd. No ser zî hukûmata AKP, HDP nijadperestan ra hedef mojna û no zî mojnake nêzdîbîyîşê hukûmatî ya ravêreyeye bedilyayo.”


RUKEN ADALI / ANF/ENQERE