Nasnameyê 3 şehîdanê Heftanînî

HPGyî nasnameyê 3 gerîlayanê ke herêma Heftanînî de şehîd bîyî eşkera kerdî.

Merkezê Îrtîbatî û Çapemenîye yê HPFyî derheqê babete de eşkerayîyêke daye. Eşkerayîya HPGyî wina ya:

”Ma eşkerayîya xo ya 27ê nîsane de dabi eşnawitene ke 25ê nîsane de hêzanê ma vera artêşa TCyî ya îşxalkere herêma Heftanînî ya Herêmanê Pawitişî yê Medya de çalakîyêke kerde û na çalakîye 9 leşkerê tirkî kişîyayî û cibilxaneyê leşkeran ameyî destvistene. Ma dabi eşnawitene ke 3 embazê ma zî na çalakîye de şehîd bîyî. Zanayîşê derheqê embazanê ma yê şehîdan de wina yê:
Çekdar Amed (Fatîh Demîr)
Cayê Bîyayîşî: Amed
Maye-Pî: Sevde– Abdullah
Tarîx û Cayê Şehadetî: 25ê Nîsana 2020î / Heftanîn

Mervan Amed (Ahmet Sunar)
Cayê Bîyayîşî: Amed
Maye-Pî: Vahîde – Mehmet
Tarîx û Cayê Şehadetî: 25ê Nîsana 2020î / Heftanîn
Tolhildan Roza Botan (Mesut Aydin)
Cayê Bîyayîşî: Şirnex
Maye-Pî: Gule – Mehmet Alî
Tarîx û Cayê Şehadetî: 25ê Nîsana 2020î / Heftanîn

Mervan

Embaz Mervan serra 1996î de dadîya xo ra bîyo û serra 2014î de zî tewrê gerîlayan bi. Embaz Mervan roja destpêke ra heta peyêne pêro wezîfe û berpirsîyarîyî pê bawerîyêka xorine û serkewtişêkê pîlî ardî ca.

Çekdar

Embaz Çekdar serra 1996î de Amed de ame dinya û vera tedaya dewleta faşîste seba ke wayîrê erjanê xo bivejîyo serra 2015î de tewrê gerîlayan bi. Embaz Çekdarî wextêkê kilmî de bi milîtanêko fedayî û pê taktîkê gerîla-tarz bi wayîrê serkewtişanê pîlan.

Tolhildan

Embaz Tolhildan Şirnex de ame dnya û serra 2013î de wexto ke wendekarê zanîngehî bi tewrê PKKyî bi. Embaz Tolhildanî pê hîşmendîya qesasî bi hawayêkê rayberî pêro waranê têkoşînî de berpirsîyarê cîyayî girewtî û ê ardî ca. Embaz Tolhildanî xo rê sey esas girewt ke felsefeya Rayber Apoyî karakterê xo de bimojno û bi nê hawayî bi fermandaranê ma yê ciwanan ra yew.

Embaz Mervan, Çekdar û Tolhildanî pê şerwanîya xo perspektîfê taktîk û tarzê neweyî yê gerîlayan ma rê pêşkêş kerd. Ma sere keyeyanê înan ê ercîyayeyan rê, pêro şarê Kurdîstanî yê welatperwerî rê serweşîye wazenê. Ma soz danê ke ma do nê kedanê şehîdanê xo pê serkewtişî tacîdar bikerê.” ANF / BEHDÎNAN