Nobete grûba Frankurtî de ya

Çalakîya Nobeta Azadîye ke 25ê Hezîrana 2012î ra nata bajarê Strasbourgî de vernîya Konseyê Ewropa de dewam kena, kewt hewteyo 363. û nobete hetê grûba ke Frankfurtî ra amebî ra dewr girîyaye.

Hewteyo bîn nobete hetê grûba ke bajarê Maînzî ra amebî ra dewr girîyaybî. Grûba Frankfurtî ke nobete dewr girewt mîyan de kesê bi nameyê Abbas Karataş, Alî Ûmût û Alî Dayi estî. Vizêr grûba ke 4 kesan ra pê yena zî beşdarê çalakîye bîye.

Kesê ke nobete tepişenî, bale ancenî azadîya Rayberê Şarê Kurdî Abullah Ocalanî ser û dîyar kerdî ke heta ke azadîya Ocalanî pê nêro, kurdî çîyêk qebul nêkenî. Çalakwanan veng da CPT û selahîyetdaran û dîyar kerd ke seba aştî û demokrasîya Rojhelatê Mîyanênî ganî Ocalan azad bibo.

Seke yeno zanayene na çalakîye çalakîya tewr derge ya kurdan a û heta nika 2 hezar kesan ra zêde kesan beşdarê çalakîye bîyî.

STRASBOURG