Rojê Koronayî de Kurdî bimusê

Pêroyina Dinya û Tirkîya de vilabîyayişê vîrûsê Koronayî ser o welatijan nêçare keyeyanê xo de manenê. Hemserekê MED-DERî Mehmet Esen zî seba weş vîyartişê rojê keyeyê xo ser Kurdan ra veng da ke wa Kurdan rojê xo bi weş bivîyarê, ziwanê dayîka xo bimusê.

Esen wina vat: “Wa her kes seba musayişê ziwanê dayika xo ser o xebat bika, hetanî nika Kurdê ma vatinê demê ma çin o, ma senî bieşkê ziwanê xo bimusê. Taybetî pîy û dayikan ra berpirsîyarêkê muhîm kewenê, wa domanê xo ra estenak û hîkayeyê bi Kurdî biwanê, kayê Kurdî domanê xo reyde kay bikê. Filmê Kurdî ya zî filmê bi dublajê Kurdî temaşe bikê.” AMED