Şengal de fabrîkaya tahîne

AZAD ŞENGALÎ / ROJNEWS / ŞENGAL

Badê ke Şengal DAIŞ ra ame pak kerdene, bi hezaran êzidîyî agêrayî Şengal. Xeylê kesî seba ke Şengal hîna biewle yo, yenî û ewja de cayê karî akenî. Nînan ra yew zî Yezda Welîdo ke qezaya Başîka ya Mûsilî ra ameyo û Şengal de fabrîkaya tahîne akerdo yo.

Welîdî va ‘hemwelatîyê ke agêrenî Şengal, lazimîya înan bi xeylê çîyan esta’ û wina domna: “Şengal herêmêka biewle yo û ez seba ke tîya de ya, zaf kêfweş a. Seba şarê xo xebate kerdene, çîyêko zaf weş o. Ma malzemeyanê fabrîka Mûsil ra anî û tîya de tahîne virazenî. Ma tahînanê xo erşawenî heme dewanê Şengalî.”

Welîdî qiseykerdişê xo de qala saetanê xebate kerd û wina va: “Ez serê sibayî saete 8.00 de yena û heta saete 17.00 xebetîyena. Ma fabrîka de 4 kesî xebetîyenî. Karê ma baş o û ma wazenî ke wa yê ke teberê Şengalî de mendî biagêrî Şengal.”