Şervanên QSD’ê bi merasîman li Başûr hate veşartin

Cenazeyê şervanê QSD’ê Mihemed Hisên ê bi nasnav Navdar Kerkûkî li goristana Rehîmawa ya bajarê Kerkûkê hate veşartin.

Cenazeyê şervanê QSD’ê doh destê sibê ji aliyê malbat, dost, endamên komîteya şehîdên PKK’ê, endamên Tevgera Azadî û welatiyan ve hate pêşwazî kirin. Piştre cenaze bi karwanekî sedan otomobêl ber bi taxa Şoraw ya mala şehîd ve ket rê. Piştre li mizgefta Runakî ya li taxa Rehîmawa ya bajarê Kerkûkê wecibeyên dînî hatin pêkanîn. Piştî wecîbeyên dînî şervanê QSD’ê bi merasîmek girseyî li goristana taxa Rehîmawa hate veşartin.

Mihemed Hesen ê bi nasnav Navdar Kerkûkî, piştî ku dewleta Tirk a dagirker êrişê Rojavayê Kurdistanê kir, tevlî berxwedana Rûmetê ya Rojavayê Kurdistanê bû. Şehîd Navdar di 27’ê Cotmeha 2019’an de li Serêkaniyê şehîd bû.

Li Germiyanê jî Zerdeşt Germiyanî hate veşartin

Cenazeyê şervanê QSD’ê Zerdeşt Germiyanî (Bekir Îbrahîm) ku di Berxwedana Rûmetê de li Serêkaniyê şehîd bibû li navçeya Kelarê ya Germiyanê hat oxirkirin.

Li Goristana gundê Berlut ê Kelarê bi merasîmekê hate veşartin. Di merasîma oxirkirinê de peyama, malbatên Şehîd, Nûnertiya Rojavayê Kurdistanê û Tevgera Azadî ya Civaka Kurdistanê (Tevgera Azadî) hatin pêşkeşkirin.

Şehîd Bekir Îbrahîm ê bi nasnav Zerdeşt Germiyanî, di sala 1992’an de li navçeya Kelar a ser bi îdareya Germiyanê ji dayîk bûye. Piştî dewleta Tirk a dagirker êrişî Rojavayê Kurdistanê kir, di Tîrmeha 2019’an de berê xwe da Rojavayê Kurdistanê. Di 27’ê Cotmehê 2019’an de li Serêkaniyê di encama şerê li dijî leşkerên Tirk û çeteyên Tirkiyeyê de şehîd bû.

ROJNEWS/KERKÛK/KELAR