Sewbî nasnameyî reyde cuya xo da

Medyaya komelî de nameyê xo ‘Xeyro Ergonul’ nuştbî, çapemenî de sey xebarêka wina vejîya, Îngîlistan de sifte Tirk cuya xo da, hetta zaf hûmarî de Kurd zî na xebere bar kerdê. Hayrî Ergonul, dewa Gozpinarê Afşînî yê Gurgumî (Maraşî) de maya xo ra bîyo û Îngîlistan de Koronayî ra cuya xo da.

Bêwelatî nasnameyê merdimî çin keno, merdim sewbî nasname reyde mireno. Hayrî Ergonul zehmetîya hem bîyayişê Kurd hem zî bîyayişê elewîye ant. Ergonul serra 1978î demê Qirkerdişê Gurgumî de maya xo, pîyê xo û kekoyê xo Huseyîn vînî kerd. Goristanê malbatê ey çin ê û qirkerdişê malbatê ci verê çimanê ey de ame cuyayiş, emrê ci bi gêrayişê goristanê malbatê xo vîyart la 3 rojê verê Newroze cuya xo vînî kerd. AMED