Sûr de lejo sîlehin: 2 kesî kişîyayî 2 kesî birîndarî

Taxa Alîpaşa ya qezaya Sûrî ya Amedî de mabênê di grûban de lej vejîya. Lej demêk dewam kerdo û dima ra grûbî yewbînan ra cîya bîyî. Her di grûbî dima ra bi sîlehanê xo vejîyayî teber û mabênê înan de pêrodayîş qewimîyayo.

Ame musayene ke netîceyê pêrodayîşî de 4 kesî birîndar bîyî. Nê 4 kesan ra rewşa 2 kesan giran bîya û nê 2 kesî wexto ke neqlê Nêweşxaneyê Unîversîteya Dîcle bîyî, merdî. Taxe hedîse ra dima hetê polîsan ra girîyaya binê abluqa. Sebebê pêrodayîşî nêame musayene û nêame zanayene ke ka kes hedîse ver ameyo girewtene an nê.

MA /AMED