Vera îşxal û qirkerdişî xoverdayiş

CÎHAN BÎLGÎN

ANHA/EYN ÎSA

Dewleta Tirk a îşxalkar û çeteyê ci ‘Arteşê Netewa Surîye’ 9ê citmenga 2019î ra nika hêrişê Surîyeya Rojhelat û Vakûrî kenê, vera hêrişê îşxalî zî Eyn Îsa de şerwanê Meclîsê Lejkerî yê Suryanijan çarçiweya pawitişê meşruyî de xoverdayişêko bi dîrokî nîşan danê.

Hawra Nur eslê xo ra bajarê Mêrdînî yê Kurdistanê Vakûrî ra yo, cephe de verin reze de vera îşxalkaran têkoşîn dano. Malbatê Hawra Nurî serra 1915î de Qirkerdişê Seyfoyî ra pey koçê Qamişloyî keno û Nur zî qirkerdişê dewleta osmanijan bapîra xo ra goşderî keno. Suryanijan hewna qetlîam ra nêvîyarî, serra 2013î de beşdarê Meclîsê Lejkerî yê Suryanijan ra beno.

Ma xo bi xo pawiyenê

Hawra Nur bal ant zîhnîyetê Dewleta Surîye ya yewperestî ra û wina vat: “Ma demo ke şîynî wendegehî ma rê vatişê ‘Homa, Surîye û Esad’ dayê musnayiş. Wendegehan de tena bi Erebî perwerde ameynê dayiş. Surîye de hetê Ereban, şarê Kurd, Suryanî, Ermanî sewbî şaran zî estê. Bi Rayberîya Xoser êdî heme şarê Surîye bi ziwanê dayîka xo perwerde genê.”

Nur destnîşan kerd ke demo ke çeteyê DAIŞî herra înan îşxal kerdê zaf zilm înan ra kerdê û wina qedîna: “Ma rê vatînê ya dînê xo bibedilnê ya zî xereç bidê, eke ma diyine nêkerdinê ma qetilkerdinê. No rêbaz, rêbazê dewleta osmanijan û tirkan o. Ma bi têkoşînê DAIŞ têk berd do ma destûr nêdê ke qezencê ma vila şîrê, çi bibo bila bibo ma do qezenc bikê.”