Wezîfeyê ciwanan xoverdayîş o

Dewleta Tirkî demêko derg o ke vera Vakur û Rojhelatê Sûrîye de hêrişanê xo domnena û hewl dana ê cayan de dagîrkerîya xo bida awankerdene. Vera hêriş û dagîrkerîya dewleta Tirkî de çalakîya tirsê ganî yê şarî zî roja 7. de dewam kena. Koordînasyonê Tevgerê Ciwananê Şorişgêran yê Sûrîye ciwanê ke beşdarê çalakîye bîyî dir kombîyayîşêk viraşt.

Xeylê endamê Koordînasyonî beşdarê kombîyayîşî bîyî. Kombîyayîş bi rêzgirewtişî dest pêkerd. Kombîyayîş de endamê Koordînasyonî Harûn Apoyîyî qisey kerd û veng da herkesî ke wa vera hêriş û tedîdanê dewleta Tirkî de xover bidî. Apoyîyî va ‘ganî ma ciwanê Girê Spîyî bajar û şarê xo bipawî û no het de tedbîranê xo bigîrî’ û wina dewam kerd: “Ganî ma ti kesî ra pawitiş hêvî nêkerî. Pawitişê şar û welatî wezîfeyê ma ciwanan o.” Apoyîyî dewamê qiseykerdişê xo de va ‘herême prosesêko hesas ra derbaz beno’ û wina domna: “No proses vera hêzê ke wazenî Sûrîye dagîr bikerî û şarê ma kole bikerî de prosesê xoverdayîşî yo. Cok ra ganî ma vera dagîrkeran de xoverdayîş û têkoşînê xo berz bikerî.” Kombîyayîş ra dima ciwanan bi wesayîtan ziqaqanê Girê Spî de gêrayî û siloganî eştî.

ANHA/GIRÊ SPÎ