Xebatê kultir û ziwanî komelkî bîyê

FAHRETTÎN KILIÇ / MA /AMED

Koordînatorê J&Jî û nuştox Azad Zal, Koordînasyonê Weşanxaneyê Torra Kultir û Ziwanî yê Kurdî de zî ca gêno nîqaşî ke komxebate de ameyî kerdiş ser o şîroveyê xo ard ziwan.

Koordînatorê J&Jî û nuştox Azad Zal vat ke sifte serra 2011î de xebatêka bi hez dest pê kerda, çi heyfo ke xebatê ziwanê kurdî bi nuşte û weşanxenayan sînor mendê la êdî xebatê kultir û ziwanî komelkî bîyê.

Koordînatorê J&Jî û nuştox Zal bal ont komxebate de şîroveyan ser o û wina vat: “Tewro gird persgirekê ma vilanêkerdişê kibatê Kurd û Kurdî yo. Ma hewna Ewropa rê erşawitişê kibatê Kurdî de persgirek cuyenê. No ser zî ganî Koordînasyonê Weşanxaneyê Torra Kultir û Ziwanî yê Kurdî sîstemê vilkerdişî awan biko. Kurdistan de matbaayêk ma rê aîd çin o, matbaayê bîn de zî çapê kitabî nêbenî. Cayê ke matbaa bîyo zanistî, hemdemî, nuştiş û wendişî aver şîyo.”

Ziwano bi hembar

Zal aşkera kerd ke her weşanxane de çi heyfo ke tewir bi tewir şîrove esto û wina domna: “Ziwanê Kurdî de hetê nuşteyî de standardîzayonêk çin o. Weqfa Mezopotamyayî na xebate ra rayberî kena. Na rewş wendoxan rê zehmetî aneno. Persgirekê redaksîyon û edîtorî ma ancenê. Ma rexneyê redeksîyonî gênê. Wendoxî na rewşe ra nêrehet ê, her yew weşanxaneyî ra do edîtor û redaktor bêrê têhet yew kesî perwerde bikê.”