17.6 C
Berlin
Perşembe, Temmuz 9, 2020
Ana Sayfa Kırmanckî YPS-JIN 3 şaristanan de çalakîyî kerdî

YPS-JIN 3 şaristanan de çalakîyî kerdî

Yewina Qesasî ya Şehîde Zîlane ya YPS-JIN Amed, Îstanbul û Nîgde de tay çalakîyî kerdî. Yewine çalakîkera fedayîye Zeynepe Kinaci yad kerde û vat: ”Ma do pê rengê Zîlane faşîzmê TCyî ra hesab bipersê.”

Yewina Qesasî ya Şehîde Zîlane ya YPS-JIN pê eşkerayîyêke daye zanayene ke înan  Amed, Îstanbul û Nîgde de tay çalakîyî kerdî. Yewine vat: ”Endamanê ma seba vîrameyîşê Şehîde Zîlana ke 30ê hezîrana 1996î de çalakîyêka fedayîye kerde, çarçewa ‘hamleya qesasî ya vera kolonyalîst û ajanan de’ Îstanbul, Amed û Nîgde de tay çalakîyî kerdî.

Endamanê ma 24ê hezîrane de qezaya Bayrampaşa ya Îstanbulî de vera 4 wesayîtanê polîsan ê tirkan ê îşxalkeran çalakîya sabotajî kerde. Çalakîye de 3 wesayîtî û kamyonetêka înan ameyî vêşnayene. 22ê hezîrane de endamanê ma qezaya Altunhîsarî ya Nîgde de vera depoyê kesêkê faşîstê AKPyî çalakîyêka vêşnayîşî kerde. Netîceya çalakîye de depo bi temamî vêşîya. 21ê hezîrane de taxa Rezanî ya Amedî de vera pîkapê dewlete çalakîyêke ameye kerdene û pîkap ame vêşnayene. 21ê hezîrane de qezaya Sultanbeylî ya Îstanbulî de kuçeyê Petrol Yoluyî yê Akşemsettînî de wesayîtêkê terefgîrê AKP-MHPyî ame vêşnayene. 20ê hezîrane de qezaya Sultanbeylî ya Îstanbulî de marketêka şexsêkê faşîstî ameye vêşnayene.” MERKEZÊ XEBERAN